هلا هلا
تشلسي مع اضعف فريق بدوري الابطال والكاس له ان شاء الله

والله يا مودنتي مدري وش اكتب

اكتب عن اليوم

ولا اكتب شعر

ولا اكتب عن الوناااسه

والله مدري

ايه ابكتب وش صار لي اليوم


والله ماله داعي مدرس القران تخيلو يطلعني والله فيها قبايل ههههههه

انا اسولف وكل الطلاب يسولفون بس انا اسولف استهبال ههههههه

والله ويقولي اطلع برا من بيتي يا اخرس يا خاين عاد انا اقول تطردني من بيتي يا زلمه ههههههه

لا امزح بس قالي اطلع عند الوكيل والله اروح اتكئ بالفصل واصفقها نومه لين جاء
قناص الفوارة لان المدرس بعد طلعه هههههههه وصحاني من النوم هههههههههههه

بس والله انها فله اهم الوناسه وحب الوطن

هههههههههههه وش حقه عديل يعني معقوله كذا المطرسه عندك طفش
للمعلوميه عديل مو معي بالمطرسه لاني انا بتحفيظ قران ولله الحمد عديل كان معنا بس تعدا
ثالث متوسط ولازم يروح لثانوي وانا بالطريق تهي تهي وانا ما ودي اروح عن مدرستنا الحبيبه

بس والله حنا بالمدرسه ناسه


انا لو تشوفوني بالفصل انا طبعا بالزاويه من يوم اني بثالث ابتدائي حركات
وقدامي قناص ويميني سهران وابو نايف وقمه الفله

طبعا الصبح قدم الكرسي عن الجدار وتكئ على الجدار ولازم اكون داقها لطمه

ونسولف واذا قضت السواليف قمنا انا وسهران نغني ونروس بالماصه ههههههههه
قناص ما يغني مدري ليه ابو نايف مسوي مطوع وهو ادشر واحد بالمطرسه
هههههههههههههههههههههه

عاد بعدها لاجت الفسحه اروح لحبيب القلب اسولف معه واسحب على اخواي سيفوووون

قناص يقولي انت ابو وجهيييين ههههههههههههههههههههههههه

وبالدرس اذا كان عندنا قران نروح نستهبل على المدرس شوي ونحفظ واروح اسمع عند قناص
ويرقع لي يعني اربع اخطاء خطا واحد يا ابوي فل

واذا كان عندنا رياضيات ولا عنقليزي اتكئ على الجدار اذا كنت مروق للدرس فتحت مخي وصرت دافور
وذا كنت براسي نوم ولا اغني ولا مشتهي استلعن لا والله اسحب على ام الدرس

وبعض المرات اروح عند الوكيل ادور لي شغله يا اروح ادور اذاعه بكمبيوتر المرشد واروح ادبس اوراق بلافصول عاد لازم افر الفصول كلها واروح للحبيب القلب هههههههههههه

المووووووهيم ان المطرسه وناااسه

وهذا جو الكنـ20ـق بالمدرسه

والسلام مسك الختام

المووووهيم المدرسه وناااسه

تهي تهي انا حزين والله قههههههههههههر اليوم خسرت بالدوري وبسبب سهران ههههههه


بس هذي الدنيا يوم لك ويوم عليك

اليوم اسمحولي ما داخل المنتدى الا الساعه 2

لاني نبي نستاجر استراحه ونبي نعزم المدرسين ههههههه وابجيب العود والمرواس هههه
عاد انا وسهران هههههه لا والله يبي يجئ مدرس مطوع والله ان يخلينا عشاهم ان جبنا العود هههههههههههه



باي

عديـل الــــــروح كتب:

الكنق 20 << اعز انـسـان على قلبي طبعا بعد والدي واخواني [/color][/font][/i
[/center]

بصراااحه اجرجتني يا عديل انا بصراحه لو ابكتب عنك بالمدونه راح تمتلئ لكن يكفي انك ما عمرك زعلت علي ويعلم الله اني اعزك معزة غير عن كل اخواي :95:

بصراحه المفروض اني ما اكلمكم علشان عديل مدحني ههههههههههههههههههه

والله اليوم مالي داعي امس غبت وقلت لهم اني تعبان المهم اني سذبت عليهم
وسحبت سيفون بالليمون

واليوم من القراده مسوي فيها تعبان علشان الوكيل ما يقول شئ بس من زود الدلاخه حكمت المباراة ويجيني الوكيل يقول ناصر ما شاء تعبان وتحكم مباراه والله ويكشفني هههههه عاد قمت ارقع بس قهر طلعو فصلنا رياضه وانا علشان الوكيل ما يقول شئ ما لعبت والا متحمس ودي العب وما فيني الا العافيه بس خل السيفون ينفعك هههههههههههه

قنااااص من قال اني مهموم هههههههههههه

لا بس انا اذا فضيت اغني من دون شعور
بس والله وناسه خاصه اذا كان عندك وجيه حسنه هههههههههههههه


صدق طارق العلي يوم قال

والله انا ساعات ياخذني الطرب وناسه عاد انتم تعرفون لهجه طارق العلي

انا والله اعجبت بالخاطرة الي كتبها قناص الفواره باسير الشوق

والمشكله ان اسير يوم قرا الخاطرة ما يعطينا وجه

لكن الكــ20ـنق عنده كلمه يقولها

(((من باعنا برخيص بعناه بتراب ))) هههههه حلوووة اسير صح

حنا مو نجي للناس الناس تجينا
لكن مصير الكلب يرجع لخناقه <<<< ترى مو انت يا اسير

بس والله اليوم طلعنا الفجر وطلعنا معنا اسير وعديل
بس والله سهران سحب علينا سحبه بنت كلب
سيفوووووووووووون بس والله كفو خلك سحبات
اقول هنا اصلا استانسا يوم ما جاء سهران
لان سهران اذا كان مو مروق ابعد عنه اصلا متى عمره روق

على قولت اخواننا بالكويت ويهه دايم مبوز
يعني وجه دايم مبوز هههههههههههههههههههههههههه

وطلعنا مع واحد هو سجل بالمنتدى بس ما يدخل اسمه واثق الخطوة

طبعا هو يعقب مو واثق الخطوة بس كذا لكن والله يا عليه لقافه طفش الواحد

لكن عمره ما طفش فيني بس يطفش باسير وعديل ههههههههههههه

انا حركات <<< بايسن على غفله <<<< العن ام السماجه الحين يجيك اسير يقول لا تلعن

عاد بلهجه اسير غير
ههههههههه

يا ولد احس ان مدونتي الي يدخل عليه يقول الحمد لله على العقل ليه مدري

يقول ووين الشعر والخواطر اقوله دورهن بخاطرة عاشق غروري ههههههه

لا بس يقول هذا مو حق شعر وخواطر لكن والله يلي يقوله لاعلمه الشعر ههههه

انا شاعر :study: هههههههههه امزح بس اول كنت شاعر ولي معلقات اقول بدون تفليم

هذي تفليم سارقها من الوافي معناها لا تكذب هههههههههههه لان الافلام دايم كذب

لا تستغربون من المدونه لانكم لو شفتوني بالمدرسه كان قلتو عليه السلام هههههههههههه


واهم شئ الوناسه وحب الوطن واكبر فخر للناس انك من الناس واكبر فخر للارض ..... عديل كمل هههههههههه

حياك ربي ابو نايف وش قصدك بالفيسات

ومعليش اعذروني الاتصال له يوم ونص خربان

مسها بالخير مدونتي

والله يا انا مستانس بس الحين ابروح يم عديل اتابع مباراه تشلسي

والله يا شباب انا عندي مسرحيه باليوم المفتوح حق مدرستنا الغاليه الحبيبه الحليله الشاطره الشطورة <<< بالله

وراح يمثل معي ابو نايف وسهران والقناص
وانا بصراحه ودي يكون فيه تصوير علشان انزلها بالمنتدى ههههههه

قريبا ابفصح عن ادوار المسرحيه ودور كل واحد منا

تهي تهي

والله قههههر امس خسر تشلسي والمشكله ان الارسنال ما يعرفون يلعبون ههههههه

بصرآآآحه مبطي عنك يا مدونتي

عاد انا الحين توي جاي من المطرسه ودايخ

وابنام الى العشاء ونآآآآسهُــ

والله زمان عنك يا مدونتي

عاد مدونتي تغني وتقول من تغلى لازم يخلى ههههه اقول الفقه بس

هذي كسرآآآت من تجميعي اتمنى تعجبكم

--------------------------------------------------------------------------------

اكس ال اول كانت مع الاشناب ** واليوم مع ورع دلوعه
راكب على الباب لابس كـــــاب ** وبالفاين يمسـح دموعه
=
اكس ال اول لها هيبه ** واليوم راحت هيبتها
اول من الصعب تسري به ** واليوم يا سرع قلبتها
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

اكتب والحن وادق العود واشكي على الناس من حالي
وابكي على اللي عيونه سود تركني وحدي ولاجاني
جلست وحدي انا والعود اعـزف والحـن لـكـســراتــــــي
في ليله والخليق رقــود ما غيري اذرف بـــدماعــــاتـي

--------------------------------------------------------------------------------

أنا أعرف إنك عليه أخطيت*** ماهو ألخطا ينقضي منك
لا تعتذرلي و لو حبيت ***قلبي سبق وأعتذرعنك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
مفتاح قلبي مع البواب***صك القفل وانحرف عني
لما سالته عن الأسباب***قال الأوامر ماهي مني
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
سلام يابشكة الحلوين ***ياللي حبيبي مجالسكم
حلفت لأطلع السكين*** واخذ حبيبي وأطعنكم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ

علــمتــني كيف أنا أحب
وعلمتنــي كـيف أنا أهــــــــواك
علمتني الحب مالو طــب
وعلمتنـي كيف أنا ما أنســــــاك

© © © © © © © © ©
يا ليتنــي ما عزفــت العــود
’’’’’’’’’’’’’’’’ ولا تفننـــت بـالريشــــة
كلاً بغانــي عشــان العـــود
’’’’’’’’’’’’’’’ مليت انا هذي العيشـــة
© © © © © © © © ©

طلعت هوندا وكبر راسك
........ تراها يا زين ســـــــياره
نسيت منهو بنى ساسـك
....... ورجّلك يا واد في الحاره
© © © © © © © © ©

كل الحواري كلام بشويش
............حارتنا مليانه بالفوضى ..
يا واد اسمع بلا تشويش
............انصحك لا تدخل الروضه ..

© © © © © © © © ©

الحب يا صاحبي بلوه -
من حب لا بد يتحيّر
ويعيش أيامه الحلوه -
والحال لا بد يتغيّر

••••••••••••••••••
ما ابغى دراسة ولا تدريس -
ولا لي فالمدرسة خاطر
الله يجازيك يا ابليس -
خليتني فالهوى شاطر

••••••••••••••••••
يا جمس وخر وراك جموس -
عتبان معهم حجازية
الكد روّح بدون فلوس -
الكد روّح فابو حيّة

••••••••••••••••••

بالختـم بأكتب لك أوصاتـي *** اما أنت والزين ناسينــي
ريــق الحلــو غايت مناتـي *** ياليــــت بالخير يطرينـــي

يا هيئة الامر بالمعروف $$$$ مانتي على الورع مكلوفه
الزين تمشي وراه صفوف $$$ والشين ماحد يبي شوفــه

@@@@@@@@@@@@@@@@@@
حرمــــني الميل باالـــــتعديل &&& احـوال ضايق بها جهـدي
جيلي مضى ما بقى لي جيل&&&اصبحت وسط المــلا وحدي
777777777777777777777777777777
ليه الهنـــاء مايصــدفنا$$$ لو يوم يحجز لنا ميعاد
على الشقاء دوم حالتنا$$$ وجـــــرح كل يوم جداد
888888888888888888888888
/////////////////////////////////////////////////////
مسحت رقمك من الجوال$$$ كل الرسائل ابلغيها
لاعاد تسال عن الاحوال$$$ كلمة احبك مـــابيها

سبحان من غير احوالك/// خلاك في حارتك رجال
تـوري الناس جـوالك/// اضاهر جهاز دون ارسال
-----------------------------------------------

قبل اعرفك كنت متهني### واليوم زاد الحزن بيه
أصيح بالصوت واغني### ظالـــم ولا فيك حنيه
×××××××××××××××××××××××
ادعس على القلب لين انساك النفس يكفي مااسيها
ماهين نفسي عشان ارضاك نفسي عزيزه ومغليها
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
بالاخـــــــــــر لكم تحياتي $$$ وسلام مني على المزيون
على الورق انقش اهاتي$$$ والناس عــــــــــني مايدرون
-----------------------------------------

قناص هذي كسرآآتي ههههع