((حوار بين نورة ورجلها محمد))

- الحين انت وراك ماتقولي كلام حلو وتغازلني ؟

- بسم الله عليتس عسى ماشر؟؟ فيتس شي يانوره؟ [
]

- لاياخي بس انا زوجتك والمفروض تقولي كلام يوسع الصدر وتمدحني وتمدح جمالي والا ماتشوف جعلك العمى [
]

- هاه !! إلا إلا أشوف بس وش تبيني اقول؟

- انا اللي اعلمك وش تقول؟؟ ليتك تسمع خالد رجل اختي نوف وش يقولها ... مايناديها الا ياحياتي وياروحي ولو تكح ضاق صدره هذيك الليله ولا ارتاح الا اذا تشاوت مهوب مثلي الله يخلف منكتمه هذاك اليوم وصايرن وجهي ازرق كنه مغسول بحبر وكل اللي قدرك الله عليه جبت لي بنادول طاقته الشمس من سيارتك حتى سلامتك وماتشوفين شر ماقلتها لي [
]

انت ماعندك احساس؟ ياخي حس فيني .. والا بس اذا جاء الليل جيت تدحوس عندي تسنك قطو نافضه الجوع حتى اللهم لك الحمد تسنك اطرم مابقى الا اتعامل معك بلغة الاشاره [
]

- انتي من صرتي تتابعين هالمسلسلات وانتي منهبله ... لاتصدقينهم وجع اذا قال انا بحبك ياصفاء ومستعد ابوس تراب الارض اللي تحت رقليك والا اذا قامت تسبل له بعيونها همن ضاعت علومه وبدأ يحبب يديها وبينهم مزهريه وبدأ يقولها حياتي من غيرك عزاب ومن هالحتسي الفاضي ... ترا كله تمثيل يالسبهه [
]

- سبهه اجل [
]اي والله سبهه اللي اناقش واحدن مثلك من يدخل البيت وهو منتفخ ويتحلطم .. وجع هذا وحنا مالنا سنه معرسين اجل اذا صار لنا عشر سنين وش بتسوي جعلك الوهم [
]

- اقول انتي الظاهر تبين هواش بس والا الحمدلله انا ماقصرت معتس بشي وكل طلباتس تجيتس واحمدي ربتس على النعمه اللي انتي فيها ترا غيرتس يتمناها يالله ابروح انا مواعدن لي رجال ابمره [
]

- ايه مواعدن لك رجال [
]ادري بتروح لهالاستراحه اللي تجلس فيها اكثر من جلستك في بيتك ومدري وش انت لاقي فيها انت وهالشله الظرفاء اللي كل واحد منهم من مصالته ودك تشب فيه وتطفيه بنعال [
]

** راح محمد ونوره لسانها يلوط اذانها من الهواش ولاكأنه يسمع شي والصراحه الرجال معذور ... يعني هو يقول انه مايعرف يقول كلام زين وماتعود على هالشي [
]

في السياره (محمد يهوجس) :

الله يهديها نوره مدري وش تبي اكثر من كذا ؟ مافيه شي تطلبه الا وانا شاريه لها ومع ذلك مايعجبها العجب ولا الصيام برجب ....
وبينما محمد يكلم نفسه بالسياره قاطعه جرس جواله ويوم شاف الرقم استغرب منه لانه رقم اول مره يشوفه وتردد انه يرد لكن بالاخير قرر يرد ويتفاجأ بذاك الصوت الانثوي اللي من كثر ماهو انثوي حس محمد ان سماعة الجوال يطلع منها ميك اب وكريمات اساس خخخخ [
]

البنت بدلع : الوووو 

محمد : الو هلا والله 

البنت : سوري مو هذا موبايل سلطان؟

محمد: هاه !! لا والله مهب جوال سلطان بس ترا ممكن اصير سلطان بعد عشر دقايق [
]<< خق الحقير [
]

البنت : هههههههههههههههههههه ياربيه مرررررا دمك خفيف يا.. 

محمد : فهد اسمي فهد الله يسلمتس 

البنت : اهلين فهد ... على فكره انا مو راعية حركات بس عن جد خفة دمك اعجبتني وخصوصا اني كنت مره متضايقه ومزاجي مره مره باد (سئ) 

محمد : بسم الله عليتس من الضيقه ياحبيبتي [
] هالصوت المفروض مايتضايق ابد ولايعرف الضيقه لان الزين اللي مثلك ياحياتي المفروض حياتهم كلها سعاده وحب [
]

- لالا يافهودي كلامك هذا مررره قوي واخاف احبك بعدين [
]

- حبيني ياحبيبتي وخليني انول شرف حبك واخليه وسام على صدري << اجل على صدرك ياكلب ونوره الضعيفه تترجاك تقول لها اي كلمه حلوه وتقول ماعرف ( وجه منقهر ومتحمس ) 

- طيب فهودي سوري مااقدر اطول معاك البنات جاييني الحين وطالعين نتعشى لما ارجع البيت راح اتصل عليك 

- زين حبيبتي وانا انتظرك على احر من الجمر وانتبهي لنفسك حبيبتي 

- اوكي باي فهودي 

- باي ياعيون فهودي [
]

* خلاص خلصت القصه مع السلامه << انقهر ولاعاد له نفس يكمل [
]

(دق جوال محمد ثاني ناظر وقال :
- لاحووول وش تبي هذي متصله بعد 
- الو 

نورة : هلا محمد 

- هلا هاه وش تبين 

- ابد بس ابتطمن عليك لانك طلعت من البيت زعلان وخفت يجيك شي بسم الله عليك 

- شايفتني بزر يعني والا وشو ؟ مافيني شي الحمدلله تبين شي ؟ 

- لا ابي سلامتك بس [
]

- يالله مااالااااه << فمان الله بس من العجله [
]

مرت الايام ومحمد زاد تعلقه باللي غلطت برقمه واللي صار اسمها ريم وريم هذي عرفت تخقق محمد وكل فتره مهديها شي .. مره مهديها ساعه لا وماركه بعد [
]ومره جوال جديد وكان مكان التسليم والاستلام بأحد محلات تغليف الهدايا .. يعني هالسبهه يجي ويحط هديته بالمحل يغلفونها ويطس ومتى ماروقت وفضت ريم جت وخذت الهديه وتكلمه وحتى ماتقول له شكرا للهديه وكل ماقال لها متى اشوفك قالت بعدين حبيبي الحين مشغوله مره بزواج اختي ومااقدر اقابلك خليها بعدين 
وهالسبهه ماعنده مشكله وكل ليله قالبها نزار قباني وشغال كلمات حب وغزل في ريم [
]

زادت حالة محمد هبالا وصار بالبيت بس هواجيس ولاحظت نوره عليه هالشي وكل ماسألته وش فيك يامحمد قال مافيني شي شايفتني مهبول عشان تقولين فيك شي << ياحبه للشر هاللحجي [
]

حملت نوره مولودها الأول ومحمد حمل حب ريم ودخل فيه بالشهر العاشر والى الحين وهو كل يوم يكلم ريم بالساعه والساعتين وكل اسبوع هديه والضعيفه نوره تترجاه يوديها لمراجعة لها عند الدكتوره ويقول لها انا مشغول خلي اخوتس يوديتس [
]

جاء اليوم اللي قررت ريم توافق تقابل فيه محمد ومحمد اللي معروف بأسم فهد عند ريم ماصدق من الفرحه لانها المجرمه تدز له صورتها وسائط والصراحه البنت كان فيها جمال

بدأ محمد يتجهز لليوم الموعود اللي بيقابل فيه ريم وكان موعد اللقاء في لوبي احد فنادق الرياض الخمس نجوم واليوم المحدد هو يوم الثلاثاء على الساعه ثمان بالليل ومحمد من يوم الاحد وهو عند الحلاق لدرجه انه كأنه يراجع عيادة دكتور والا وش يوديه للحلاق يوم الاحد والاثنين وعصر الثلاثاء ... طبعا الحلاق ماقصر وصنفر خشة محمد ونظفها بالبخار ثلاث مرات ومره بالتراب [
]حتى انه نقع وجه بالزيوت اللي بالمحل كلها اغدي محمد يزين شوي ويصير فيه تكافؤ بين جمال ريم ووسامة محمد او مثل ماتناديه ريم فهووووتي [
]

من العصر يوم الثلاثاء ومحمد جاهز لموعد ريم في لوبي الفندق وقبل مايطلع من البيت كانت الضعيفه نوره تجتلد في هالبيت وياماراحت وياما جت وكانت الام الولاده والطلق باينه عليها وقالت لمحمد قبل يطلع : محمد تكفى لاتروح احس اني ابولد اليوم لكن محمد اكتفى يقولها وهو طالع يصير خير يصير خير وماراح اطول وبعدين امسكي نفسك لاتولدين الا اذا رجعت [
] <<< لا ياشيخ

راح محمد لموعده وقبل العشاء بشوي وهو مسنتر باللوبي بالفندق ينتظر حبيبته ريم وهو جالس ينتظر اتصلت عليه نوره ورد عليها وماسمع الا صياحها وهي تناديه وتترجاه يجي يودي للمستشفى لانها خلاص تحس انها بتولد ومحمد طبعا ماطاوعه قلبه يروح يودي زوجته عشان تولد ويطنش موعده المهم مع حبيبة القلب ريم وقال لنوره بكل برود انا الحين مشغول مره اتصلي واحد من اخوانتس يجي يوديتس المستشفى وانا ابمرك ان شاء الله اذا خلصت شغلي [
]

قفل محمد الاتصال وجلس ينتظر ريم اللي تأخرت عليه وشوي ويجيه مسج وتوقع انه من ريم ولما فتح المسج تفاجأ انه من نوره وتقول له : ريم ماراح تجي يامحمد لانها عندي وعلى فكره ترا ريم انا لقيت رقمها برساله حب وغرام انت مرسلها بجوالك قبل كم شهر وكلمتها وعلمتها اني زوجتك وقالت لي عن كل اللي صار بينكم وحتى هداياك اللي ترسلها لها كانت هي ترسلها لي وانا اللي قلت لها تواعدك وسويت نفسي اني ابولد بنفس يوم موعدك معها وللاسف فضلتها على انك تجي وتستقبل اول مولود من دمك ويحمل اسمك ... انا في بيت اهلي وياليت ترسل لي ورقتي بأسرع وقت [
]

_____________________________________________________

ليش يشتكي الغالبيه من الجفاف العاطفي ويتعذر الكثير ان بيئتنا الصحراويه اثرت علينا وصرنا مانقدر نقول كلام حلو لاخواتنا او زوجاتنا .. فيه الكثير اللي من الزوجات مثل وضع نوره مع محمد تشتكي من قلة تغزله فيها ومدحها واللي هو يعتبر من غرائز الانثى اللي يجب اشباعها .. والكثير بعد ماقد قال لاخته كيفك ياحبيبتي أو مدحها بيوم وقال وش هالزين يافلانه ماشاء الله بينما تحصل احلى الكلام والمدح والغزل يطلع منه بأوضاع مثل اوضاع ريم والسبهه محمد الله يفشله << الى الحين مقهور منه [
]

بس خلاص
********[/center][/size]

ااااااااااااااالله رووووووووووووووووووووووووعه.....
تسلــــــــــــــــــــم الله يعطيك الف الف الف عافيه.,,,,,,,,,,,.......

ومحمد صدق مسبه ودلخ وضعيف وياحياتي يانورة تحزززن00000

صدق الجفاف العاطفي ليه عندنا بين الاهل..؟؟؟؟؟

يــــــــــــــــــــارررب ترحمنا برحمتكـ .....,,,,
تسلم يديــــــــــــكـ ع الموضوووع والابدااااع ..,,,,,

مشكوررررررررررررر ع الموضوع الحلو صراحه جدا ياكهر [ندعوك للتسجيل في المنتدى أو التعريف بنفسك لمعاينة هذه الصورة]

مشكووووووووور يالغالي