قالوا علامك صـامت وقلت ياناس= كثر الكلام يقل لاجله مقامي

الصمت حكمه والحكي مــصدر إفلاس= ولقيت في صـمـتي يزيد احترامي

الصمت له معنى وله ذوق وإحســـاس= مركب نجاتك في بحـور الظلامي

ترى الرجل صوره من الـراس للساس= ثم يتبين جوهــره بالكلامي

إما نطق في كلمة ترفــع الرأس= تضفي على شكله جــديـد الاسامي

وإلا يعود معدنه مـــعــدن نحاس=يرميه سهمه بـعــد ماكان رامي

لا صار عندك من ثمـيـنات الألماس=خله بـصـدرك لين وقت التمامي

أخاف يطلعلك مـن الناس بلاس=وإلا سـفــيه ما يرد السلامي

الله خلق خلقه على عـدة أجناس=وكلن يسوقه مذهـبه للأمامي

والله خلق بالطير قمري وقرناس=ووقت الهدد ما ينغزي بالحـمـامي

لا جال في صدرك من الهم هوجاس=وعينك يحاربهـا لذيذ المنامي

ونفسك عليله والفكر صار محتاس=اترك طمان القـاع وارق السنامي

عليك بالعالي ليا هب نسـناس=يبري الجروح الخـافيه والعظامي

وخلك لربـعـك دايم الدوم نـبراس=وخص القريب وخص ولد العــمامي

خلك لهم في داجي الليل مقـباس=ولصاحب أصدق من حقوق الغمــامي

ربعك ذراك ليا لحق راســك البـاس=قدم لهم شربك ولو كنت ضـامي

وخلك لثوب الطيب والعز لبـاس=واترك دروبٍ تنتهي بالحرامي

وفعل الجميل وواجب الضيف نومـاس=ومن لا نفع بالضـيق نفعه عدامي

بيت الكريم أبوابه بدون حـراس=وبيت البخيل يـعـد مثل الهدامي

كلٍ بها الدنيا نصيبه بـمقياس=ياخذ نصيبه لوجــفـوه الأنامي

وشلون تسمعنـي وانـا ماتكلمـت = بالله قلـي كيـف تسمـع عيـونـك

ادري جرحتك بس انا اللي تالمـت = ارجوك سولف لاتضيـع بسكونـك

فك الدرايش للحكي واطرد الصمت = اللي طعنونـي بغيبتـي يطعنوونـك

حلمت بك قلي بمـن هـو تحلمـت = عطني اسامي اللي بحلمك يجونـك

امك بعد وابوك وش بـك تلعثمـت = في شخص اشوفه مختبي في عيونك

بعلمـك ممـا قريـت وتعلـمـت = كلمة اذا جووك البشـر يسالونـك

تدري وش اللي يذبحك وانت مامت = انك تشـوف اللـي تحبـة يخونـك

الطفش والملل صار مكانه في حياتي كبير

والسعاده صارت في حياتي شين قليل

ودي ابوووح

ولاكن

ما اقدر

أخاف اذا بحت عني يتغير

أبي شخص يمتعني بحبه مايعذبني
وأبي شخص يخلي كل. هالدنيا على شاني
وأبي شخص ليا شاف الخطا مني يعاتبني
مابي شخص لياشاف الخطا صد وتعداني
أبي شخص حبيب وبالغلا دايم يحسسني
مابي شخص يولعني بحبه ثم ينساني
تكفى حسسني انك اجمل حب