شاب يتزوج بامراه عجوز (قصه حقيقيه)

يحكى ان شاب في مقتبل العمر كان يشتغل على فان لنقل المعلمات
وكل مره يمر من الطريق الا يشوف شي

وشذا الشي ياترى؟


كل مره يشوف امرأه عجوز ترعى غنمها كل صباح

فساقه حب الاستطلاع اوحب المساعده ا والرحمه ان يروح لهذه الحريمه

ويسألها وش سالفتها او انها تبي مساعده او شي من هذا
المهم راح لها

ش**السلام عليكم ياخاله

ع**عليكم السلام ياوليدى

ش**دايما اشوفك مع الغنيمات وانا رايح بالفان
وانتى حرمه كبيره

ع **اى والله ياوليدى اترزق الله ومالى الا الله ثم هالغنم

ش**ماعندك احد يساعدك عيال والا رجالك والا احد قريب

ع** ابد والله ماعندى احد ربي سبحانه مايخلى احد وانا ياوليدى امشى وطيبه وبعافيه والقعاد مامنه فود

رحمها الشاب هنا اكثر من اول

ش**طيب تامرين شي نفسك في شي والله انى صادق ولا ابى شي ولاش
والله انى صادق اذا تتبين شي

ع** والله ياوليدى الحمدلله اموري زينه والحمدلله فضل من ربى بس مابى الا شي واحد وانا ماقدرت عليه وودي به ولين صار لي هذا الامر ماعاد ابى شي من هالدنيا ابد

ش** ابشرى وانا ولد ابوى

ع**ابى اشوف بيت الله واشوف الكعبه وادعي ربي واحج هذا اللى ابيه

هنا توهق الشاب واحس انه امل الحرمه بشي مايقدر عليه كيف يلبي طلبها وهو مو محرم لها

قال بس انا مانيب محرم وكيف احج بك وانت غريبه عنى

فكر وقال خلاص بتزوجك واحج بك ومن عقبها اطلقك اهم شي انى حججتك وحققت اللى تبينه

العجوز استانست كثير وقالت بيض الله وجهك وانا موافقه

تزوجها الشاب وكل ربعه يعلقون عليه لما علمهم السالفه

يارجل العجوز كن هالعجوز شي يفشل مو كانهم كلهم بيطلعون مثلها ان الله طول بعمارهم

وجا موعد الحج وحج بها وقال ها !!
اوفيت بوعدى ياخاله وحجيت بك والحين ترى بطلقك على اتفاقنا

هنا العجوز ضاق صدرها قالت شف ياولدى والله ماقصرت وربي يسرك لى والا من وين راح اشوف مكه والا احج والله انى ماهقيت انى بشوفها
بس اسمح لى

عندى راى لاتطلقنى وخلنى ع ذمتك وانت مسموح والله ماطالبك بشي لا دنيا ولااخره ابد لاتتحمل علي بشى ولامسؤليه او حقوق ولاحتى النفقه

قال لها اجل دام كذا خلاص موافق والله يستر على وعليك ودعها

وراحت الايام والسنين وهى بديرتها وهو بديرته وربعه يضحكون عليه مالقيت الا العجوز تتزوجها

وهذا رجل العجوز وجا رجل العجوز


وبعد مده قال بروح مير لمها اشوف وش الدنيا بها

وهو رايح دخل الديره ماشاف العجوز ولا الغنم ولا اى اثر لها

سأل واحد من اهل الديره

قاله كان هنا عجوز مع غنمها وش صارلها وين هى ؟

رد عليه الرجال وانت وش تبى بها تعرفها والا تقرب لها

قال الشاب هاه ايه انا زوجها

قال الرجال انت زوجها اكيد

قال اى والله وهذا العقد

قال اجل العجوزتطلبك الحل توفت الله يرحمها وانا جالسين كل هالمده نتحرالك ولا جيت

قال الشاب ليش ؟

رد الرجال انت زوجها وانت الوريث الوحيد لها مالها احد غيرك وتراك ورثت منها اربع ملاييين وارض بديره ثانيه

والله يبيض وجهك يوم ان نيتك زينه وزينتها مع ربك زانت احوالك

حمد ربه الشاب وراح لربعه وقال هاه وش رايكم برجل العجوز :icon18:



فعلا لما نحسن النوايا تطيب الحياه حتى لو مالقينا مقابل بالدنيا ماراح تضيع بالاخره

اتمنى تعجبكم المشاركه

شاب يتزوج بامراه عجوز (قصه حقيقيه)

مشكوووووووووووووووووورة


متميزة داااااائما
الله يعطيك العافيه
على ما نقلتي

من جد روووووعه لابعد حد

مشكورة اختي على ابداعتك المتواصله

لا تحرمينا من طلاتك وابداعتك المتميزه

ماشاء الله

والله ربي موفقهـ

يعطيك العافية

اللـــــــــــهـ يعافيكم


مشكــــــــــورين على المرور