وينك تحملت الزمن لجل اراضيك
واشقيت نفسي لجل خاطر عيونك

وانتي على ماقيل تجرح ايايدك

قلبي حلف بالله ابد مايخونك

الله حسيبك صرت ماني بغاليك
وانا الذي مهتم بصغر شؤونك

صرتي تزيدين الجروح بتغليك
وان قلت بالله ليش زدتي جنونك

يعني ذبحتي قلب لاحل طاريك
جالك يشيل الورد ويقول عونك

يرسمك تمثال الامل رغم مافيك
ويموت فيك ومنك ويموت دونك

هذا جزا اللي من غلا الروح مسقيك
تسقينه المر وقساوة ظنونك

والله حرام يصير بين العرب هيك
غريب رغم انه سكن وسط كونك

شوفيه مايشكيك لو كان يبكيك
يقول قلبي والمشاعر يبونك

حزين مستقبله محتاج ماضيك
وليله يدور شمعتك في سكونك

يمر في كل الاماكن يناديك
صوته الم ماذاق رحمة اذونك

يمشي دروبك والرجاء في خطاويك
ترد وجهك يوم قفت متونك

ضامي وقلبه يامنى الروح ضاميك
وعايش تحت رحمة سحابة مزونك

حني وروفي واذكري كلمته ذيك
والله لاوفي لك واحبك واصونك

وان طالت ايامي لحقق امانيك
واعطيك فرحي واتحمل طعونك

واوصلك لو دو نك شيوخ ومماليك
واملك لجل احضى بضحكة سنونك

واسهرك لو ذقت العنا في لياليك
وانام واتوسد بحلمي جفونك

هذا شعوري يوم انا من مباديك
قبل الفراق وقبل لايعذلونك

واليوم مابين الوصال وتجافيك
قلبي وعقلي ودهم يسألونك

هو صح انا للحين من جد غاليك؟
والا هذي ذكرى طواها جنونك!!

مشكوووووووووووووووورة


بارك الله فيك

الله حسيبك صرت ماني بغاليك
وانا الذي مهتم بصغر شؤونك



يسلمووووو

الله يعطيك العافيه

مشكوووووووووورة

الــــــــــــــعفو



مشكورين على المرور