بداية يومي المظلم....على هامش صباح الخير....
بداية حبك المجنون.....بداية صورة وتصوير....
:
صباح النظرة الحلوة....صباح الرقة والاحساس....
صباحٍ يطفي شموعي....صباحك ياعنيد الراس....
:
صحيتي من منامك....صحيتي من معاناتك...
وانا ماغمضت عيني....اراقب روحك وذاتك...
اشوف الزين بك زايد....شعرك عيونك رسمت شفاتك....
تعبت اتأمل برسمك....جميلة ياحياتي بكل طلاّتك....
تعالي علميني بصدق....انا دور البطولة في رواياتك...؟؟
امثل قيس في قمة حنانه....وليلى كنها عاشت حياتك....
:
شاعر يحبك بس خانته المشاعر..
شاعر يبي يجمع معاناته وينثرها عشانك..
بس مو قادر..
شاعر ترك دنياه خلفه تطعنه..
من بعدها هاجر..
شاعر ابي اكتب قصيدي بين اياديها..
واسافر..
:
عشت الليالي ارتجي انك تجين..ولاتجين..
ضاقت مسافات كبيرة..في عيوني ياعيوني والحنين..
شفت النجوم..مثل النجوم ابقى على طول الدهر..وحدي حزين..
همّي الدفين..في جوف قلبي ارتكز..مثل خنجر مستكين..همّي الدفين..
:
سلامة روحك العذبة....سلامة قلبك الدافي....
انا مقدر على فراقك....برغم انك علي جافي....
طريقك مظلم وموحش....وانا بمشيه لو حافي....
تقول انه مرادك صعب....وهذا مطلب الوافي....
موضوع: همي الدفين 
الثلاثاء يناير 25, 2011 10:48 am
