اولا اشكركم على ما تقدمونه من تفالع للمنتدى وانا بصراحه

مــا تـوعقت ان المنتدى راح يكون كذا

لكن الحمد لله بفضل الله ثم بفضلكم حققنا النجاح

حبيت ابدا مدونتي بشكركم

لاني وبصراحه عاجز عن شكركم

طبعا شباب انا مدمن ترافيان

وبصراحه هي مشغلتني عن المنتدى شوي


لكن ابحاول قدر ما يمكنني اني اتفاعل معكم

طبعا بمدونتي راح اكلمكم عن الاشياء االيوميه الي تصير لي

من ضحك وهسترة وفله

وانا بصراحه من الناس الي ما ايحب
الي يكتبون انهم


مهمومين

وضايقه عليهم الدنيا

وهو خلف الكواليس
مستانس

وعايش احلى عيشه

وانا الحمد لله ما عندي احزان ولا هموم
بقدر اني اكتب عنها بالمنتدى

اعذروني
لان كلامي مرة لغه عربيه مرة لغه عاميه

والاخطاء الاملائيه لان العب بالكيبورد لعب

اصدقائي بالمدرسه وبصفي
يعني بلهجتنا (اخوياي)



قناص الفوارة

سهران مع جروحه


ابو نايف

ابكلكم عن قناص

طبعا قناص خوي الروح بالروح

وحبوب بس المشكله انه ما يحب الاخبال
ويعصب بعض المرات <<< بكرة بالمدرسه يبي يقول انا ما اعصب ههههه


لكن وربي ان كله حلا

سهران مع جروحه

هذا ما بيني وبينه شئ

احس ان طبعه مثل طبعي
مزاح وفكاهي
ويطق معك ميانه من اول مرة تشوفه

اعذرني سهران نسيت حاجه

اذا عصب وخر عنه خلاص تقفل الاخلاق
مثل اليوم الحصه السادسه
عصب علي انا وقناص
لانا تكلمنا على حبيبه ههههههه لا تزعل يا سهران

ابو نايف هذا
انسان احس انه من كوكب اخر

24 ساعه مروق ومستانس

طبعا تاريخه منتهي
واحنا نحاول نجدد لكن دون فائده

مهما تكلمت عليه ما يزعل

بس انه بعض المرات يجيب الغث
ومرة يمسك معه خبال الله لا يوريك

عاد الحين يا ويلي بكرة بالمدرسه يبون يقولون ليه تقول عني كذا وكذا

وليه ما قلت كذا

واكيد الي يبي يقوله قناص وسهران
لان ابو نايف الوضع عنده عادي

وياخذ الامور ببساطه

طبعا انا بصراحه

ما اقدر اصف نفسي

اخلي اخوياي يتكلمون عني

واولهم سهران يبي يجيب كل علومي

بس انا مشكلتي التعليق على الناس
وانا اردى منهم هههههه لا امزح لا تصدقون

انا احب اعصب بالي يعصبون على طول
مثل بعض الناس

كل فصلي قدرت اخليهم يعصبون الاا ابو نايف عجزت عنه

عديل الروح من اعز اصدقائي واقاربي

وهو ولد عمتي الله يطول بعمرها

بصراحه له بصمه واضحه بالمنتدى

وبرا المنتدى حدث ولا حرج
ما يعرف شئ اسمه زعل

يحب يمزح بقدر الواقع

يعني ما يمزح الا على الناس الي ما يزعلون

يعني ما يمزح مع واحد نفسه على راس خشمه

لانه ما يحب احد يزعل عليه

ولي معه مواقف كثييييرة
اخرها موقف كاسه الشاهي وهو يذكرها

اسير الشوق

برضو من اعز اصدقائي
انا واياه دايم مزح وتعليق على الناس هههههههه

ودايم اعصب فيه وهو يعصب فيني بفريقه الخايس ميلان
والله ما كان ودي اكتبه بمدونتي لانه يخربها
تبون تسئلوني وشو فريقي
فريقي
تشلسي <<<, يا لبى قلبه


اسير انا واياه صمله وما نعرف شئ اسمه ملل

احب العب ضده بالبلوت لانه يحاول يتحدى لكن انا دايم الي افوز
وعديل والاصيل يكملونا اربعه

هع هع هع هع

ابكلمكم عن اليوم وش صار فيه


طبعا انا ما انام بعد الفجر لانه ما فيه وقت بعد الصلاة
قمت اراجع فقه والقهر
انا مختبرين فقه
لكن المدرس ضيع الاوارق وقال لازم تختبر وانا كنت جايب عشرة <<<< والله انها بدون غش

المهم اني راجعت
واختبرت والحمد لله جبت عشرة بدون غش

عكس امس كان عندنا اختبار وما راجعت بس بفضل الله ثم فضل قناص

علمني بكل الاحوبه وجبت 10 :lol:


ولا كان مفروض صفر كبر راسي

عاد يوم وصلت المدرسه انا جاي بدري علشان الوكيل

والمشكله ان الوكيل صاكها نومه بالبيت وما جاء الا متاخر وقعد ربع ساعه بالفصل لحالي

بس الحمد اكتشفت خطا بجدول الدوري الي مسوين انا وابو نايف بكمبيوتر المرشد وناسه
كنا نبي ندخل المسن بس ابو نايف قال مالها داعي

المهم عدلنا الجدول وما صار الا الخير

وبعدها جاء الطابور الله لا يعيده

والمشكله ان مدرس الرياضه ما جاء لانه يوم الثلاثاء ما يجي

قال المدير اطلع يا ناصر king 20 درب الطلاب طلعت انا وطالب

انا كنت ادرب الطلاب قبل العيد بس بعد العيد نسيت كل شئ

والطالب الي معي انا ما ادانيه يقهر ليه مدري

واجيك التدريب الاول واضيع التدريب واتلخبط واجيب العيد
بس الحمد لله ان سهران وقناص وابو نايف ما كانو فيه لانهم كل يوم يتاخرون

اوكاد دربتهم بعد عناء طويل وضحكو علي الطلاب واهم شئ ضحك علي حبيبي هههههه

وبعدها رحنا انا وابو نايف طبعا انا وابو نايف اي شئ يخص الطباعه والكمبيوتر دورنا بس

وسهران دوره عند العروض المرئيه والبروجكتر
وقناص عند التقديم وقرائه القران ما شاء الله عليه المعيقلي

لكن عند المسرحيات ام الفله يا شيخ انا وقناص وابو نايف وسهران
طبعا سبحان الله انا دائما البطوله ههههههه انقهرو
انا دايم امثل شايب ومهستر وابو نايف دايم شايب بس ابو نايف هذي اول مرة يمثل
ما عنده خبره ههههههه
لكن انا وقناص 4 سنوات وحنا خبره بالتمثيل
وسهران دوره يا هندي ولا بنقالي زي عاملنا ههههه لا تزعل

شكلي شطحت انا قلت ابتكلم عن اليوم بس انا رحت بعيد على العموم الكلام يجذب بعضه <<< فيه احد يتكلم معك ههههههههههههاي

بعدها طفشنا بسهران انا وقناص وخليناه يعصب

وصلينا وكان جنبي خوي مو موجود بالمنتدى ضحكنا

وشافنا المدير بس الحمد لله ربك ستر
اوووووو اووو او هذي اللغه خاصه فيني ما يفهمها الا فصلي هههههههه


صلينا وذكرنا الله

بعدها رجع للبيت
واستهبلت على الاهل شوي
وشوي على امي الله يطول بعمرها بس بغت تلخني بالقدر بس الحمد لله انا لاعب كراتيه

تصديت للقدر بكل براعه بس المشكله اني صديته براسي ههههههههههه

خلاص اكمل المدونه بكرة

باي مدونتي
وانا عارف ان مدونتي غير عن مدونات الجميع بس انا احبها كذا
ما احب تكون شعر وخواطر وكلام لا صحت له

خلاص باي مدونتي

يالله عاد انا ابروح للمدرسه
نبي نروح نفلها ونستانس العيال يبون يجوني الحين


باي